Сигурно сте се запрашале какви софтвери ние развиваме во Микросам. Кои програмски јазици и платформи за развој на истите ги користиме. Во следниот текст ќе ви ги одговориме сите ваши прашања.
Микросам покрај производството на машини, ги развива и софтверите потребни за нив. Тие се специјално дизајнирани и развиени од инженери поделени во неколку тимови за нашите машини т.е. технологии на производство. Некои од клиентите кои ги користат се NIAR (Најголемиот амерички авиоистражувачки центар во Вичита, САД), GKN Fokker, Magna Steyr, итн
Софтвери во Микросам
MikroPlace – софтвер за offline програмирање, дизајн и симулација на AFP/ATL машините. Пред да се започне со производството, во MikroPlace се дефинира дизајнот на финалниот производ, се оптимизира текот на работата на машината и на крај се прегледува симулацијата од тоа како би работела машината (движењето на роботската глава). Доколку се е во ред, се генерира потребниот код кој и се предава понатаму на машината за да го започне производството.
Winding Expert – слично како и MikroPlacе, но за различна технологија за производство. Се работи за софтвер за offline програмирање, дизајн и симулација на Filament Winding машините.
QCS – Quality Control System – софтвер за контрола на квалитет на машините на Микросам. Додека машината е активна и произведува композитни делови, овој софтвер мониторира разни процесни параметри и ги запишува во датабаза. Софтверот директно комуницира со PLC контролерот и ги презема сите потребни податоци за на крај да прикаже комплетен извештај за работата на машината. Преку овие извештаи се прави анализа дали машината работела правилно и дали финалниот производ ги задоволува потребните стандарди.
Кои програмски јазици и платформи за развој на софтвер ги користиме?
MikroPlace софтверот е целосно развиен во C++ и QT. За разлика од него, QCS е развиен како Windows Form апликациja, комплетно напишанa во C#. Овој софтвер за зачување на снимените податоци користи MS SQL Server.
Кои познавања треба да ги имам за да работам во Микросам како софтвер инженер?
Нашите софтвери постојано се надградуваат со нови можности, затоа ни се потребни програмери за да ги прошириме постоечките тимови. Во зависност од тимот, потребни за тоа ни се познавања од C++ или C#, дизајн на датабази и работа со SQL.
Доколку си инженер во потрага по нов предизвик, започнување на кариера во композитната индустрија може да биде вистинскиот чекор за тебе. Микросам е единствената компанија во овие простори што веќе повеќе од 30 години има искуство, професионален и амбициозен тим и клиенти од целиот свет.
