Како се произведуваат резервоари за гас, цевки, ракети, спортска опрема, плински боци, противпожарни апарати и други производи од современи композити?

Најпогодна технологија за производство на овие производи во Микросам е намотување на влакна – Filament Winding. Со овој процес карбонските или стаклени влакна поминуваат низ када со смола. Потоа такви влажни, или претходно импрегнирани, директно се намотуваат на т.н. мандрел (јадро) со прецизни движења на различни агли во зависност од бараната цврстина и што е финалниот производ. На крај, намотаниот композит се печe за да ја добие финалната форма и карактеристики.

Благодарение на автоматизацијата и иновативноста на овој процес, ниту една машина во Микросам не е иста и се изработува за секој клиент посебно. Еден од нив е и познатата автомобилска компанија Магна, Австрија која произведува резервоари за гас во Ауди возилата.