Глобалниот фокус се’ повеќе е насочен кон намалување на штетните емисии и употребата на тн. јаглеродни или фосилни горива. Водородните енергетски ќелии водат кон создавање на позелено решение за создавање на енергија, која ќе се користи се’ од напојување на мали електронски уреди, до возила, авиони, па дури и цели згради.

Предност на водородот е што како извор на енергија може да се добие со електролиза од електрична енергија произведена од вишок обновливи извори, како водород и кислород. Алтернативно, водородот може да се складира во големи количини за подолги временски периоди. За разлика од батериите, оваа енергија не се губи со текот на времето и затоа може да се произведува и складира на индустриско ниво како дел од зелениот енергетски микс. Овој складиран водород потоа може да се употреби како резервна енергија кога е потребно.

Автоматските линии на Микросам можат да произведат дури десетици или стотици илјади вакви водородни т.н. хидроген резервоари годишно. Благодарение на нашата напредна технологија придонесуваме да се одговори на светскиот предизвик наречен „водородна иднина“ и поттик кон пософистицирани, еколошки решенија!