Веројатно сте се запрашале како тимот на Микросам успева да направи софистицирани роботски машини, од каде потекнуваат идеите и притоа, како успева да ги придобие светски познати клиенти. За да може да ви одговориме на сите прашања, решивме да ви опишеме еден типичен работен ден во нашата компанија.
Пред да преминеме на тоа, да ви објасниме кои сме. Микросам е реномирана и светски позната компанија во композитната индустрија. Произведуваме најразлични технологии на роботски и автоматизирани машини за авионската, вселенската, автомобилската, транспортната, нафтената индустрија и многу други. Нашите клиенти се NASA, GKN Fokker, Magna (Audi) и други светски реномирани компании од повеќе од 43 земји во светот како САД, Германија, Кина, Јужна Кореа, Индија, Холандија, Турција, итн.
Имаме најразлични профили на вработени за да може да постигнеме сè и не застануваме тука! Постојано се шириме и надоградуваме со нови членови заради зголемување на производствените капацитети. Создаваме вредности за милиони луѓе во светот со нашиот ум, труд, иновативност и креативност!
Затоа ќе претставиме како изгледа еден работен ден и каква е културата во оваа компанија.
Како започнува еден работен ден во Микросам? Нормално, кафе и дружба со колегите во нашите кујни. Одвај чекаме да си позборуваме и да ни почне работниот ден со позитивна енергија.
Менаџментот се грижи постојано за вработените да имаат одлични услови за работа, како што доликува на една компанија од светски рамки. Нашите вработени доаѓаат со обезбеден превоз од компанијата, што им ги олеснува трошоците.
Денот продолжува динамично со работа, состаноци – онлајн со купувачите или пак во салите за состаноци. Во административната зграда ве пречекуваат девојките од администрација и не можеш да не влезеш, да се поздравиш и кажеш некоја шега со нив. Продолжуваме со Правен оддел и Човечки ресурси, кои се мостот на сите вработени и менаџмент и купувачите со нашата компанија. За плаќања и фактури секако дека трчаме до Финансии. Кога ќе се качиш по скалите нагоре, ги гледаш од Набавка и Увоз/Извоз – внесени во компјутер, ама битно добро музиче се слуша. По пат изиграј еден танц и продолжи во останатите канцеларии. Влегуваш во првата и те пречекуваат од Продажба и Маркетинг. Се спрема нова понуда или нов саем во Америка и сите се на нозе. Па секако, мора да се покажеме во најдобро светло.
Проект менаџерите собрани на едно место и разгледуваат check листи и рокови. Крени глава погоре малце и ете ги дизајн инженерите. Секој производ и секоја иновација започнува претходно од работните проекти. Работните проекти се изработени и предводени од дизајн инженери (машински, електро, софтвер програмери и технолози). Ваквиот проектен тим, преку продажниот тим има директна комуникација со купувачите во сите фази на производство и поддршка. Успехот на нашите купувачи е директно поврзан со работата на дизајн инженерите и нашата поддршка, што прави да сме едни од најдобрите во индустријата.
Доколку имаме проблем со интернет или лаптоп, веднаш се обраќаме до Бетмен тимот – ИТ! (Бетмен ги викаме зошто сакаат да бидат скриени во една просторија). Секако, за 5 минути работата е завршена.
Во халите каде што се произведуваат машините е местото каде што се случува магијата. Во моментов, располагаме со 5 хали и една лабораторија за испитување, во кои започнува целиот процес, од изработка на конструкциите, заварување, фарбање, монтирање и склопување на машината, до тестирање и пуштање на употреба. Во една хала влегуваш и гледаш како монтерите и помошниците склопуваат автоматска линија за производство на резервоари, во друга роботска глава, трета има маркетинг снимање, четврта има тестирање итн.
Влегуваш во другата зграда и тадам, софтвер програмерите со слушалките на уши и пишуваат кодови. Микросам има сопствено дизајнирани софтвери токму од овие програмери. Без нив машините не ќе ни можат да работат. Продолжуваш во лабараторијата и инженерите технолози тестираат, анализираат материјали и одлучуваат кои влакна и смола ќе се користат на одредена машина. Во Микросам располагаме со најсовремената опрема и единствена лабараторија за истражување на композитни материјали во Југоисточна Европа.
Кога ќе влезеш во магацин, потпевнуваш една песна со вработените таму. Тие се нашите најдобри вокали во фирмата. Сврти се наоколу и гледаш дека сè е наредено како во аптека – мераци. Да не ги заборавиме нашите хигиеничарки кои беспрекорно се грижат за нашата хигиена и стражарите, одговорни за нашата безбедност.
Најомилен дел на сите им е заедничкиот ручек во мензата. После јадење си седнуваме да се подружиме во нашиот прекрасен двор и се слушаат различни теми за разговор од сите страни. Некои ќе изиграат брзи партии пинг понг или фудбалче. После тоа, набрзина до кујна да направиме едно кафенце и назад на работа.
Со сè ова горенаведено, може гордо да се пофалиме дека ги имаме најсовремените технологии и простор за работа во Прилеп и Скопје. Имаме пријатна работна атмосфера и најважно од сè е вработените да го работат тоа што го сакаат, да уживаат и да им биде забавно на работа.
Со тоа што се работи во многу променлива и динамична средина, успехот значи адаптација и постојано еволуирање во подобра верзија од самите себе. Технологијата напредува, а заедно со неа напредуваат и самите вработени и нивната креативност.
Сите вработени во оваа компанија сакаат да придонесат со своето знаење и да имаат големо влијание во композитната индустријата, оставајќи свој печат, а со тоа да придонесат и за растот на Микросам. Клучот за светски успех е соработката и работата како еден тим, исто како и врвниот менаџмент, кој нескромно споделува знаење и инвестира во своите вработени.
