Team Building Krusevo 2023: Моменти кои долго ќе се паметат
Изминатите денови суперхеројскиот тим на Микросам уживаше во убавините на Крушево. Имавме прекрасен дводневен тим билдинг, исполнет со едукативен дел, бура на креативни игри и идеи, зближувајќи ги членовите на тимот.
Првиот ден направивме едукативна тура низ Македониум, Спомен куќата на нашиот драг Тоше Проески, куќата на Никола Карев и Леарницата во Крушево. И нели секако, бидејќи сме најјаките спортисти – први бевме на адреналинскиот парк горе на Ски терените! Се спуштавме со триколки и на Zip Line, се движевме на Rope Line, се искачувавме вештачка карпа, и др. Продолживме со забавни игри на затворен простор и се смеевме до солзи.
Дојде и време за ноќна забава! Пеевме, игравме, скокавме, а после се жалевме дека нозете не’ болат – ама вредеше.
Вториот ден продолживме со пешачка тура до Параглајдинг полетувалиштето и Мечкин Камен. Навистина научивме нови работи кои претходно не сме ни ги помислиле.
Огромна благодарност за прекрасната поддршка Konak Hilltop Lodge & Villa. Се покажавте како одличен избор за забавни активности и уживање во локалната природа.
Што понатаму за Микросам? Продолжуваме со успешно завршени работни проекти, најразлични заеднички активности и дружења. Каде и да одиме, радост носиме!
