Леле, луѓе што направивме! Освоивме прво место во Маврово.

Mavrovo Maximum Adventure e корпоративен, авантуристички летен настан каде во 2 дена над 20 компании се натпреваруваат во адреналински спортови и авантуристички игри.

Овие 2 дена ни беа исполнети со трчање, скокање, возење, смеење, дружба, игра и по некоја ситна повреда (ама ништо страшно секако). Кај и да се свртиш, имаше по некој од нашиот тим како извикува „Микросам. Микросам. Микросам.“ Бевме најбројни, најгласни и највесели.

Докажавме дека тимската работа, довербата и посветеноста која ја имаме меѓусебно, води кон високи достигнувања и победи. Не само сега, туку во сè што правиме.

Го освоивме пехарот за прво место над сите останати компании, со собрани најмногу поени од целиот настан. Додека, во Планински велосипедизам дел од нашиот тим Даме Стоименовски освои прво место и Кристијан Кузманоски – второ место. Горди сме што учествувавме во сите спортови и игри и покажавме најдобри поени.

Благодарност и честитки на организаторите за успешноста и трудот посветен на сите на овој настан.

Што понатаму за Микросам? Продолжуваме со успешно завршени работни проекти, најразлични заеднички активности и дружења. Каде и да одиме, радост носиме!