Во среда на 02.03.2022 во седиштето на Микросам, во соработка со студентската организација БЕСТ, го организиравме инженерски натпревар – EBEC, со задача – Case Study.

Низ кратка прошетка во административните простории и производствени хали, им ги претставивме моменталните актуелни решенија во производството на современи композити.

Нa натпреварот учествуваа 20 студенти од техничките факултети, поделени во 5 тима. Им зададовме интересен проблем за автоматизација на растоварувањето на пакети и пратки (package unloading). Задоволувајќи ги сите цели на задачата, нивните презентации беа одлични и креативни, што направи дури и Комисијата тешко да одлучи кој ќе го освои првото место!

Ви честитаме на сите учесници за упорноста и креативноста! Навистина покажувате колкав капацитет може да имаат нашите идни инженери, преставувајќи ја Македонија на светскиот пазар.

Студентите кои победија – тимот Sigma Fellas Incorporated, ќе заминат на регионалната EBEC рунда во Марибор. Ви посакуваме многу среќа, успех и секако, победа во финалната рунда!

Микросам и понатаму, останува отворен за млади луѓе кои имаат сопствени идеи, сакаат да напредуваат и градат светска кариера. Продолжуваме со соработката со студентите низ најразлични студентски пракси и идни вработувања. Доколку, имате прашања како се одвива целиот процес, прочитајте тука.

Прочитајте ја претходната објава за натпреварот.