Вложуваме во нашите вработени, затоа што тие ја создаваат нашата успешна приказна!
Микросам инвестира во образованието и развојот на вработените, чии што успеси се препознаваат насекаде. Пославивме и уште едно достигнување на нашите машински инженери Николче, Саше, Ненад и Љубиша кои магистрираа на Институтот за современи композити и роботика. Се стекнаа со звање Магистер на технички науки од областа на композитни материјали (Master of Science in the field of composite materials, MSc).
Јавна одбрана на магистерските трудови се одржа на ден 01.04.2022 г., во Институтот за современи композити и роботика, на теми:
- “Tехнологија на сечење со смолкнување на тесни ленти од препрег” од Николче Ромевски
- “Толеранции и бази при конструирање и производство” од Ненад Грујевски
- “Глава за автоматско нанесување на траки и развој на единица за сечење” од Саше Трајкоски
- “Мерење и анализа на точноста кај CNC машините” од Љубиша Алексоски
Инститот за современи композити и роботика е единствениот од ваков тип во Југоисточна Европа. Во најсовремената лабораторија, инженерите директно се запознаваат со современите материјали, истражуваат, развиваат и усовршуваат технолошки процеси за производство на композитни структури, кои веќе се огромен дел од водечките индустрии во светот.
Честитки до магистрите, ви посакуваме понатаму уште поголеми успеси!
Силно веруваме во нашите тимови на вредни, самоиницијативни и иновативни ентузијасти кои постојано учат и изнаоѓаат најдобри решенија.
